Dollari është emërtimi i valutës ne disa vende te botës si ShBA, Australi, Kanada e Hong Kong. $ është dollari më i njohuri prej të gjithëve. Shumë sugjerime janë bërë në lidhje me origjinën e simbolit të dollarit, një nga më të zakonshmet që rrjedh nga numri 8

Megjithatë, ajo në të vërtetë vjen nga një “ps” me shkrim dore, një shkurtim për “peso” në librat e vjetër amerikano-spanjollë, shkruan Gazeta Metro.

Simboli $ shfaqet fillimisht në vitet 1770, në dokumentet e dorëshkrimeve të amerikanëve që kishin marrëdhënie biznesi me amerikano-spanjollët dhe fillon të shfaqet pas vitit 1800.

Fjala ‘dollar’ rrjedh nga fjala flamane ose gjermane, daler (në taler gjerman ose thaler), shkurt për Joachimstaler, duke iu referuar një monedhe nga minierat argjendi të Joachimstal, në Bohemi (tani Jáchymov në Republikën Çeke).

Termi u përdor më vonë në një monedhë të përdorur në kolonitë spanjolle-amerikane dhe gjithashtu në kolonitë britanike të Amerikës së Veriut në kohën e Luftës së Pavarësisë Amerikane.

Ajo u miratua si simbol dhe emër i njësisë së monedhës amerikane në fund të shekullit të 18-të.